Yalan Dunya – Civishov

lyric Yalan Dunya

Yalan Dunya

Sənin bəhrən yeyən kimdir?
Kiminkisən, yiyən kimdir?
Sənə doğru deyən kimdir?
Yalan dünya, yalan dünya!

Səni fərzanələr atdı
Qapıb divanələr tutdu
Kimi aldı, kimi satdı
Satan dünya, alan dünya

Yalan, yalan, yalan dünya
Bizi dərdə salan dünya
Yalan, yalan, yalan dünya
Yalan, yalan, yalan dünya

Atı əzəl dağa saldıq
Yorulduqca dala qaldıq
Atı satdıq, ulaq aldıq
Yəhər oldu palan, dünya

Çatıb səndən keçən keçdi
Əcəl canın içən keçdi
Olan oldu, keçən keçdi
Nə istərdin olan dünya

Yalan, yalan, yalan dünya
Bizi dərdə salan dünya
Yalan, yalan, yalan dünya
Yalan, yalan, yalan dünya

Biri ayna, biri pasdır
Biri aydın, biri kasdır
Gecə toydur, səhər yasdır
Gül açdıqca solan dünya

Yaman qurğu, yığılaydın!
Tufanlarda boğulaydın!
Nolaydı bir dağılaydın
Bizi dərdə salan dünya

Yalan dünya, yalan dünya
Bizi dərdə salan dünya
Yalan, yalan, yalan dünya
Yalan, yalan, yalan dünya